काठमाडौँ । पछिल्लो समय कोरोना भाइरसको केन्द्रबिन्दू बनेको अमेरिकामा पछिल्लो २४ घण्टामा भने मृत्युदर घटेको छ । पछिल्लो २४ घण्टामा अमेरिकामा १ हजार ८ सय ६७ जनाको ज्यान गएकोछ । यो अघिल्लो दिनको तुलनामा ६ सय ६८ जनाले कम हो । शुक्रबार अमेरिकामा २ हजार ५ सय ३५ को ज्यान गएको थियो ।

यो समाचार तयार पार्दासम्म अमेरिकामा ३९ हजार १४ जनाको ज्यान गएको छ ।

यस्तै पछिल्लो २४ घण्टामा २९ हजार ५७ जना नयाँ कोरोना संक्रमित फेला परेसँगै कोरोना संक्रमितको संख्या ७ लाख ३८ हजार ७ सय ९२ पुगेको छ।

अमेरिकामा हालसम्म ३७ लाख २२ हजार १ सय ४५ जनाको कोरोना टेस्ट गरिएको थियो ।