वाशिङटन। अमेरिकाले विश्व स्वास्थ्य संगठनलाई दिने अनदान रकम रोकेको छ । यो रकम रोकेसँगै राष्ट्रपटि ट्रम्पले अझै पनि विश्व स्वाथ्य संगठनलाई कटाक्ष गर्न भने छोटेका छैनन् । पछिल्लो पटक उनले विश्व स्वास्थ्य संगठनलाई कटाक्ष गर्दै अमेरिकाले ५ सय मिलियन डलर कुशलतापूर्वक उपयोग गर्ने तरिका खोज्ने बताएका छन् ।

अमेरिकी राष्ट्रपतिले संयुक्त राष्ट्रसंघीय स्वास्थ्य कार्यक्रममाथि कटाक्ष गर्दै भने ‘हामी ती गम्भीर समस्याहरुको खोवी गरिरहेका छौं जहाँ अमेरिकाले यो धनको उपयोग गर्नेछ ।’ कोरोनाभाइरसको महामारी फैलिएपछि त्यसको नियन्त्रणमा विश्व स्वास्थ्य संगठनको भूमिकामाथि प्रश्न उठाउँदै अमेरिकाले संगठनको व्यवहारलाई गैरजिम्मेवार भनेको छ । अमेरिकाले विश्व स्वास्थ्य संगठनको भूमिका प्रभावकारी नहुँदा कोरोनाभाइरस विश्वभर फैलिएको बताएको छ । यद्यपि कोरोनाभाइरसबाट अमेरिका नै सबैभन्दा धेरै प्रभावित छ ।