नयाँ दिल्ली। भारतको उत्तर प्रदेशका मुख्यमन्त्री योगी आदित्यनाथका पिता आनन्द सिंह विष्टको निधन भएको छ । गम्भीर अवस्थामा नयाँ दिल्लीको एम्स अस्पतालमा भर्ना गरिएका बिष्टको आज बिहान पौने ११ बजे निधन भएको भारतीय मिडियाले जनाएका छन् । बिष्ट कलोजो र मृगौलासम्बनधी समस्याबाट पीडित थिए । उनलाई १३ मार्चमा अस्पताल भर्ना गरिएको थियो । डाक्टरहरुले उनको मल्टिपल अर्गान फेलियरका कारण निधन भएको जनाएका छन् ।

आनन्द सिंह उत्तराखण्डको यमकेश्वर गाउँमा बस्दै आएका थिए । उनले उत्तराखण्डमा फरेस्ट रेन्जर पदबाट १९९१ मा अवकाश प्राप्त गरेका थिए । त्यसपछि उनी आफ्नो गाउँमै थिए । योगी आदित्यनाथ बाल्यकालमै परिवार छाडेर गोरखपुरका महंत अवेद्यनाथकहाँ आएका थिए । पछि आदित्यनाथले महंतको रुपमा अवेद्यनाथको स्थान लिएका थिए ।