काठमाडौं। उत्तर कोरियाली नेता किम जोंग उनको स्वास्थ्यस्थिति गम्भीर भएको समाचार बाहिरिएसँगै यदि उनलाई केही भइहाल्यो भने देशको नेतृत्व कसले गर्ने भन्ने प्रश्न पनि अहिले चर्चामा छ । हुन त अहिलेसम्म किमको स्वास्थ्यबारे कुनै पुष्ट खबर आएको छैन । यद्यपि उनलाई केही भइहालदेको अवस्थामा उनको उत्तराधिकारी को हुने भन्ने प्रश्नको जवाफ यसअघि नै निर्धारण भइसकेको छ ।

यदि किम जोंग उनलाई केही भइहालेको अवस्थामा देशको नेतृत्व उनकी बहिनी किम यो जोंगले गर्ने लगभग निश्चित जस्तै छ । उनी पार्टीमा पनि किमपछि दोस्रो तहकी नेता हुन् र किमको निकै नजिक रहेर काम गर्छिन् । किम स्वयंले उनलाई कार्यभार सुपिएका छन् । अमेरिकी राष्ट्रपति डोनाल्ड ट्रम्प र किम जोंग उनको भेटवाताृका बेला पनि किम यो जोंग साथमै थिइन् । ओलम्पिकमा पनि उनले उत्तरु कोरियाली टिमको नेतृत्व गरेकी थिइन् ।

दक्षिण कोरियाका राष्ट्रपतिसँगको बैठकमा पनि मिक यो जोंग सहभागी थिइन् । यतोमा यदि किमलाई केही भएमा देशको नेतृत्वको लागि उनकी बहिनी सबैभन्दा अगाडि छिन् । यसपछि किमकी पत्नी री सोल जूको नाम आउँछ । तर, री राजनैतिक विषयमा रीको भूमिका त्यति देखिएको छैन । यसका अलावा री किमसँग चीनको भ्रमणमा गएकी थिइन् । अन्य कुनै कुटनैतिक कार्यक्रममा भने री सहभागी भएकी छैनन् ।