काठमाडौँ । लामो समयदेखि कोरोना भाइरस (कोभिड १९) को केन्द्रबिन्द्र बनेको संयुक्त राज्य अमेरिकामा कोरोना संक्रमितको संख्या १० लाख नाघेको छ ।

मंगलबार बिहानसम्म अमेरिकामा १० लाख ९ हजार २५९ जना संक्रमित भएका छन् । पछिल्लो २४ घण्टामा मात्रै अमेरिकामा २२ हजार ९९ जना नयाँ संक्रमित थपिएका छन् ।

संक्रमितमध्ये ५६ हजार ६८६ संक्रमितको ज्यान गइसकेको अन्तराष्ट्रिय सञ्चारमाध्यमहरुले जनाएका छन् । सोमबार मात्रै अमेरिकामा १ हजार २७३ संक्रमितको ज्यान गएको छ।

अमेरिकामा संक्रमितको संख्इा १० लाख नाघ्दा जम्मा १ लाख ३८ हजार ९८९ संक्रमितको उपचार सफल भएको छ।