काठमाडौँ । महामारीको रुप लिएको कोरोना भाइरस (कोभिड १९) को संक्रमणबाट विश्वभर २ लाख १७ हजार बढीको ज्यान गएको छ।

बुधबार बिहानसम्म विश्वका २१० देशमा २ लाख १७ हजार ८१३ संक्रमितको ज्यान गएको अन्तराष्ट्रिय सञ्चार माध्यमरुले जनाएका छन् । पछिल्ले २४ घण्टामा मात्रै ४ हजार ५३२ संक्रमितको ज्यान गुमाएका छन् ।

यस्तै कोरोनाको महामारीबाट हालसम्म ३१ लाख ३६ हजार ५४३ जना मानिस संक्रमित भएका छन् । जसमध्ये ५६ हजार २९७ संक्रमितको गम्भीर अवस्थामा उपचार भइरहेको छ ।

हालसम्म कोरोना संक्रमित मध्ये ९ लाख ५३ हजार २४५ जनाको उपचार सफल भएको छ ।

नेपालमा पनि कोरोनाको संक्रमणबाट ५४ जना मानिस संक्रमित भएका छन् । जसमध्ये १६ जना संक्रमित उपचारपछि घर फर्किसकेका छन् ।