काठमाडौँ । महामारीको रुप लिएको कोरोना भाइरस (कोभिड १९) को संक्रमणबाट संयुक्त राज्य अमेरिकामा पछिल्लो २४ घण्टामा झण्डै दोब्बर संक्रमितको ज्यान गएको छ ।

पछिल्लो २४ घण्टामा अमेरिकामा २ हजार ४७० जना संक्रमितको ज्यान गएको छ। यो संख्या अघिल्लो दिनको तुलनमा झण्डैले दोब्बर हो । अघिल्लो दिन अमेरिकामा १ हजार ३८४ संक्रमितको ज्यान गएको थियो । यो सँगै अमेरिकामा कोरोना संक्रमणबाट ज्यान गुमाउनेको संख्या ५९ हजार २६६ पुगेको छ ।

यस्तै अमेरिकामा हालसम्म १० लाख ३५ हजार ७६५ जना संक्रमित भएका छन् । मंगलबार मात्रै अमेरिकामा २५ हजार ४०९ जना नयाँ संक्रमित थपिएका छन् ।

जसमध्ये १ लाख ४२ हजार १६२ संक्रमित उपचारपछि घर फर्किएका छन् ।