काठमाडौँ । विश्वभर फैलिएको कोरोना भाइरस (काेिभड १९)  महामारीको प्रभाव भारतमा पनि बढेको छ ।

कोरोना भाइरसको संक्रमणबाट भारतमा पछिल्लो २४ घण्टामा मात्रै ७१ जनाको मृत्यु भएको छ । भारतमा कोरोनाको संक्रमणबाट एकै दिन ज्यान गुमाउनेको संख्या यो सबैभन्दा धेरै हो ।

यो सँगै भारतमा कोरोनाबाट मृत्यु हुनेको संख्या १ हजार ७९ पुगेको छ ३३ हजार ६२ जना संक्रमित भएका छन्। बुधबार भारतमा १ हजार ७३८ जना नयाँ संक्रमित फेला परेका छन् । जसमध्ये ८ हजार ४ सय ३७ जनाको उपचार सफल भएको छ भने २३ हजार ५ सय ४६ जनाको उपचार जारी छ ।

चीनको वुहानबाट सुरु भएको कोरोना भाइरसको महामारी विश्वका २१० देशमा फैलिएको छ। कोरोना भाइरसबाट पछिल्लो २४ घण्टामा मात्रै ६ हजार ५ सय ८९ जनाको मृत्यु भएको छ भने ८१ हजार ६७८ जना नयाँ संक्रमित थपिएका छन्।

यो सँगै विश्वभर कोरोनाबाट मृत्यु हुनेको संख्या २ लाख २८ हजार १९० पुगेको छ भने ३२ लाख १९ हजार २४० जना संक्रमित भएका छन्।