काठमाडौं। बलिउडमा एकपछि अर्को ठूलो धक्का लागेको छ । चर्चित अभिनेता इरफान खानको निधन भएको भोलिपल्दै अर्का दिग्गज अभिनेता ऋषि कपूरको पनि निधन भएको छ । अस्पताल भर्ना भएका ऋषि कपूरको निधन भएको बलिउडका महानायक तथा ऋषिका मित्र अमिताभ बच्चनले जानकारी दिएका छन् ।

T 3517 – He’s GONE .. ! Rishi Kapoor .. gone .. just passed away ..
I am destroyed !

— Amitabh Bachchan (@SrBachchan) April 30, 2020

उनको गएराती निधन भएको अमिताभले लेखेका छन् । अमिताभले लेखेका छन् ‘ऊ गयो । ऋषि कपूर गए । भर्खरै उनको निधन भयो । म टुटेको छु । कपूर परिवारबाट रणधीर कपूरले ऋषिको निधनको खबरको पुष्टि गरेका छन् ।’ ऋषि बुधबार एनएच रिलायन्स अस्पतालमा भर्ना भएका थिए । दाजु रणधीरका अनुसार उनलाई सास फेर्न समस्या भएको थियो ।