काठमाडौं । कोरोनाको उद्गमस्थल चीनलाई भारतले कोरोना भाइरस (कोभिड १९) संत्रमितको संख्यामा उछिनेको छ ।

शुक्रबार भारतमा ३ हजार ७८७ जना नयाँ कोरोना संक्रमित थपिएसँगै भारतले चीनलाई उछिनेको हो । यो सँगै भारतमा कोरोना संक्रमितको संख्या ८५ जहार ७८४ पुगेको वल्डोमिटरले जनाएको छ।

भारतको कोरोना संक्रमितको संख्या चीनको भन्दा २ हजार ८५१ ले बढी हो । चीनमा अहिलेसम्म ८२ हजार ९३३ जनामा संक्रमण देखिएका छन् ।

यस्तै शुक्रबार एकै दिन १०४ जना संक्रमितको ज्यान गएसँगै भारतमा कोरोनाबाट ज्यान जानेको संख्या २ हजार ७५३ पुगेको छ ।

चीनमा हालसम्म ४ हजार ६३३ संक्रमितले ज्यान गुमाएका छन् । हिजो शुक्रबार चीनमा १६ जना संक्रमित थपिएका छन् ।