काठमाण्डौ । अक्षय कुमार र रजनीकान्तको बहुप्रतिक्षित चलचित्र ‘२.०’ मा चर्चित अभिनेत्री ऐश्वर्या राय पनि देखिने भएकी छिन् ।

भारतीय मिडियाका अनुसार, यो फिल्ममा बलिउड अभिनेत्री ऐश्वर्या राय पनि देखिन सक्ने बताईएको छ । खबरअनुसार, उनको फिल्ममा चिट्टी अर्थात् रजनीकान्तसँग एक इमोसनल सिन हुनेछ ।

उक्त फिल्मको प्रिक्वेल ‘रोबोट’ मा मुख्य भुमिकामा रहेकी ऐश्वर्याको एक इमोसनल सिन ‘२.०’ मा देखाइने भएको छ ।

यो भारतको अहिलेसम्मकै सबैभन्दा महँगो र एडभान्स फिल्म हुनेछ । यो फिल्ममा अक्षय भिलेनको भूमिकामा छन् ।

यस्तै, रजनीकान्त एकपटक फेरि रोबोट चिट्टी र साइन्टिस्ट वसीकरणको रुपमा फर्किएका छन् । एस.शंकरको निर्देशनमा बनेको फिल्म ‘२.०’ मा स्तरिय स्पेशल इफेक्ट्सको प्रयोग गरिएको छ ।

२९ नोभेम्बरमा फिल्म रिलिज हुँदैछ ।