काठमाडौँ ।नेपाली मजदुर एकता समाजले बिश्वका १७ देशलाई समेटेर नेपाली मजदुर एकता समाज प्रवास ब्युरो गठन गरेको छ।

मलेसियाबाट स्थापना कालदेखि नै मजदुरहरुको हक हित,अधिकार र न्यायका लागि सक्रयि रुपमा निरन्तर काम गरिरहेको समाजकोे दावी छ । संस्थाको स्थापना मलेसियामा भएको थियो ।

मलेसियाबाट नै हाल साउदी ,कतारलगायतका देशहरुमा रहेका नेपाली मजदुरलाइै परेका समस्या समेत हेर्दै आएको समाजले जनाएको छ । पछिल्लो समय अन्तर्राष्ट्रिय समिति बनाएर नेपालमा औपचारिक रुपमा दर्तासमेत गरिसकेको बताइएको छ ।

मजदुरका लागि मजदुर अभियान संचालन गर्ने उद्देश्यसहित अभियान्ताहरु दिलिप भट्टराई, प्रेम बहादुर शाही, तेज बहादुर कार्की ,अर्जन बहादुर सिंह लगायतको पहल र सक्रियतामा मलेसियामा कार्यरत श्रमजीवी नेपालीहरुको सक्रियतामा २८ जुलाई २०१९ मा मलेसियाको क्वालालम्पुरमा एक औपचारिक भेलाले आम मजदुरहरुको हक हित र अधिकारको लागि संसार भरिका सम्पुर्ण नेपाली माझ पुग्ने उद्देश्यसहित गैरसरकारी ,गैरराजनीतिक,मुनाफारहित समाजको औपचारिक स्थापना गरिएको थियो ।

कुन–कुन देशमा क–कसले पायो संयोजकको जिम्मेवारी ?

राजन क्षेत्री अमेरिका, बिजय भुसाल इटाली, प्रिया राना ब्राजिल, रिना सिंगार तिवारी जापान, कृष्ण श्रेष्ठ ‘सुनिल’ पोल्याण्ड , उर्मिला सुनुवार ‘सबु’ ओमन , बिनोद भट्ट पोर्चुगल, कृष्ण थापा बहराइन, अक्कल बहादुर घिसिङ बहराइन सहसंयोजक,अर्जुन कँडेल माल्टा, धन बहादुर मगर ‘विराट’ माल्दिभ्स, राम बहादुर आले मगर ‘निकेश’ दक्षिण कोरिया , मुना पुन साइप्रस, केशरी लामा साइप्रस सहसंयोजक,अविराम रार्इ कतार, गणेश बहादुर खापुङ यूएई, नविन नेपाल साउदी, सरोज कोइराला साउदी ब्यूरो सदस्य, गणेश अधिकारी र यमुना पाण्डे ‘मुना’ नेपाल रहेका छन् ।

त्यस्तै राम प्रसाद सुबेदी ‘संगम’ मलेसिया समिति अध्यक्षलाई ब्यूरोले विशेष जिम्मेवारी दिएको छ, भने मलेसिया समिति सचिव सन्तोष फुल्लेललाई मलेसिया समितिको तर्फबाट ब्यूरोमा मनोनीत गरिएको छ ।

ब्युरोलाई चाँडै नै अन्य मुलुकहरुमा समेत बिस्तार गरिने ब्युरो संयोजक प्रेम बहादुर शाही ‘दिलिप’ ले डिसी नेपलालाई जानकारी दिए।