काठमाडौं। कोरोनाभाइरसको नियन्त्रणका लागि क्वारेन्टाइन व्यवथापनमा खटिएका वडा अध्यक्षकै मृत्यु भएको छ । कञ्चनपुरको कृष्णपुर नगरपालिका वडा नम्वर ७ का वडा अध्यक्ष कल्लु रानाको मंगलबार राति मृत्यु भएको हो ।

जिल्ला प्रहरी कार्यालय कञ्चनपुरका अनुसार राना सोही वडामा रहेको राष्ट्रिय माविको क्वारेन्टाइन व्यवस्थापनमा जुटेका थिए । ५८ वर्षीय राना एक्कासी बेहोस भएपछि सेती प्रादेशिक अस्पतालमा उपचारका लागि लैजाँदै गर्दा उनको मृत्यु भएको हो ।

अहिले उनको शव सेती प्रादेशिक अस्पतालमै राखिएको छ। अस्पतालले शवको पोस्ट मार्टम गरेर कोरोना परीक्षणको प्रक्रिया समेत अघि बढाउने जानकारी दिएको छ।