काठमाण्डौ । बलिउडका मिस्टर खेलाडी अक्षय कुमार अब हरर-कमेडी फिल्म ‘कंचना : मुनि २’ मा काम गर्ने भएका छन् । ‘कंचना : मुनि २’ तमिल हरर-कमेडी फिल्मको हिन्दी रिमेकमा अक्षय कुमारलाई मुख्य भुमिकामा लिइएको छ ।

भारतीय मिडियाका अनुसार, शबीना खानले यो तमिल फिल्मको अधिकार हिन्दी रिमेकका लागि खरिद गरेकी छन् । शबीना सुपरहिट ‘राउडी राठौर’ फिल्मको पनि निर्माता हुन् ।

तमिल फिल्म ‘कंचना : मुनि २’ का डायरेक्टर, राइटर, प्रोड्यूसर र एक्टर राघव लारेन्स हुन् । हिन्दी भर्सनमा निर्माण हुने फिल्मको निर्देशन पनि उनले नै गर्ने बताइएको छ ।

उनको यही जनराको फिल्म ‘भूलभुलैया’ ले पनि बक्सअफिसमा सफलताको झन्डा गाडेको थियो ।