एजेन्सी। हवाइजहाज चलाउन सिक्दै गर्दा जहाज दुर्घटना भएको छ । भारतको ओडिशा राज्यको ढेकनाल जिल्लामा दुई सिटे ट्रेनर एयरक्राफ्ट टेकअफ गरेको केही बेरमै दुर्घटना भएको हो । दुर्घटनामा क्याप्टेन संजीव कुमार झा र प्रशिक्षार्थी पाइलट अनिस फातीमाको मृत्यु भएको छ ।

झा बिहारका थिए भने फातिमा तमिलनाडुकी थियन् । दुवैको शवलाई पोस्टमार्टमको लागि पठाइएको छ । दुर्घटना बिरासला एयरस्ट्रिपमा भएको हो । सूचना पाएपछि गभर्नमेन्ट एभिएसन ट्रेनिङ इन्स्टिच्युट र प्शासनका अधिकारी घटनास्थल पुगेका थिए । अधिकारीहरुले अहिले प्राविधिक गडकडीका कारण दुर्घटना भएको मानेका छन् । घटनाको जाँचपछि सही कारण थाहा हुनेछ ।