जेठ ३१ देखि असार ५ गतेसम्मको साप्ताहिक राशिफल

मेष (चु, चे, चो, ला, लि, लु, ले, लो, अ)
सुखदुःखमा साथ दिनेहरू प्रशस्तै भेटिनेछन्। विशिष्ट व्यक्तिसँग भेटघाट गर्ने अवसर जुट्नेछ। लगनशीलताले दाम, इनाम एवं प्रतिष्ठा दिलाउनेछ।

वृष (इ, उ, ए, ओ, बा, बि, बु, बे, बो)
अस्वस्थताले कमजोर भएको अनुभूति हुनेछ। अध्ययनमा बाधा पुग्नेछ भने वादविवादले समस्या निम्त्याउन सक्छ।

मिथुन (का, कि, कु, घ, ङ, छ, के, को, ह)
प्रियभेटले साताको प्रारम्भ रमाइलो रहनेछ। रमाइलो यात्रा र मनोरञ्जनको आनन्द प्राप्त हुनेछ। अतिथिका रूपमा सत्कार पाइनेछ।

कर्कट (हि, हु, हे, हो, डा, डि, डु, डे, डो)
विवादास्पद जिम्मेवारी वहन गर्नुपर्ने समय छ, प्रतिद्वन्द्वीहरूसँग जोगिएर काम लिनुपर्ला। फजुल खर्च बढ्ने सम्भावना देखिएकाले धनमाल सुरक्षामा सजग रहनुहोला।

सिंह (मा, मि, मु, मे, मो, टा, टि, टु, टे)
प्रारम्भमा बुद्धिले समस्या सुल्झाउन सकिनेछ। रोकिएका काम बन्नाले उत्साह जाग्नेछ। मिहिनेत गर्दा अध्ययनमा राम्रो प्रगति हुनेछ।

कन्या (टो, प, पि, पु, ष, ण, ठ, पे, पो)
हतारमा निर्णय लिँदा काम बिग्रन सक्छ। तत्कालको फाइदा हेर्दा पछिलाई समस्या पर्नेछ। बेसुरमा बोल्ने बानीले पनि दुस्ख पाइनेछ।

तुला (र, रि, रु, रे, रो, ता, ति, तु, ते)
प्रारम्भमा केही चुनौती देखिए पनि मिहिनेतले काम बन्नेछ। सहयोगीहरू टाढिए पनि राम्रो नतिजा प्राप्त हुनेछ। तत्काल लाभ नभए पनि दिगो काम शुभारम्भ गर्न सकिनेछ।

वृश्चिक (तो, ना, नि, नु, ने, नो, या, यि, यु)
साताको प्रारम्भ रमाइलो रहनेछ। अध्ययनमा प्रगति हुनेछ र अभिव्यक्ति कलामा निखारता आउनेछ। प्रशंसक बढ्नेछन्। बुद्धिले लक्ष्यमा पुर्याउनेछ।

धनु (ये, यो, भ, भि, भु, ध, फा, ढ, भे)
प्रारम्भमा आफन्तसँग भेटघाट हुनाले परिवेश उल्लासमय रहनेछ। स्वादिष्ट खानपानको आनन्द प्राप्त हुनेछ। भौतिक साधन जुताउन सकिनेछ।

मकर (भो, ज, जि, खि, खु, खे, खो, गा, गि)
प्रारम्भमा खर्च बढ्नाले अर्थ अभाव देखा पर्न सक्छ। रोकिएका काममा दोहोर्याएर प्रयत्न गर्नुपर्ला। टाढाको यात्रा गर्ने अवसर प्राप्त हुनेछ।

कुम्भ (गु, गे, गो, सा, सि, सु, से, सो, द)
सुरुमा आम्दानी बढ्नुका साथै दिगो फाइदा हुने काम प्रारम्भ हुनेछ। मिहिनेतले सफलताको उचाइमा पुर्याउनेछ। उठ्नुपर्ने रकम हातलागी हुनेछ।

मीन (दि, दु, थ, झ, ञ, दे, दो, च, चि)
अवसर प्राप्त भए पनि विवादास्पद जिम्मेवारी वहन गर्नुपर्ला। पुरानो हिसाबकिताब सुल्झाउन समय लाग्नेछ। स्वार्थका लागि साइनो गाँस्नेहरूबाट सजग रहनुहोला।

पूरा राशिफल भिडियोमा