काठमाडौं । आज जेठ महिनाको ३२ गते नेपाली बजारमा सुनको भाउ तोलाको ९० हजार नजिक छ । नेपाल सुनचाँदी व्यवसायी महासंघले आज छापावाल सुनको भाउ प्रतितोला ८९ हजार ६ सय रुपैयाँ तोकेको छ । शुक्रबार पनि सुन सोही मूल्यमा कारोबार भएको थियो । यो सुनको मूल्य अहिलेसम्मकै सबैभन्दा उच्च हो ।

त्यस्तै, महासंघले आज तेजावी सुनको भाउ प्रतितोला ८९ हजार १६५ रुपैयाँ तोकेको छ ।

पछिल्ला केही दिनदेखि सुनको भाउ अत्यधिक बढेपनि चाँदीको भाउ भने स्थिर छ। आज चाँदीको भाउ प्रतितोला ९३५ रुपैयाँ रहेको छ ।

विश्वभर कोरोनाको महामारीसँगै अन्तर्राष्ट्रिय बजारमा सुनको मूल्य अत्यधिक वृद्धि भएसँगै त्यसको प्रभाव स्थानीय बजारमा पनि परेको महासंघले जनाएको छ।