काठमाडौँ । आज नेपालमा सुनको मुल्यले ऐतिहासिक उच्च रेकर्ड कायम गरेको छ । आइतबार एकै दिन सुनको भाउ तोलामा ७ सय रुपैयाँ बढेर प्रतितोला ९० हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ।
यो भाउ नेपालकाे इतिहासमै सबैभन्दा उच्च हो।

नेपाल सुनचाँदी महासंघका अनुसार आज छापावाला प्रतितोला ९० हजार ६ सय तथा तेजावी सुन ९० हजार १६० रुपैयाँमा कारोबार भइरहेको छ।

सुनसँगै आज चादीको भाउ पनि बढेको छ । आज चाँदी प्रतितोला ९४० रुपैयाँमा कारोबार भइरहेको छ। कोरोना भाइरस र लकडाउनका कारण विश्व बजारमा सुनको भाउ बढेसँगै नेपाली बजारमा पनि त्यसको प्रभाव देखिएको महासंघले जनाएको छ।