काठमाडौं। पूर्व उपप्रधानमन्त्री तथा परराष्ट्रमन्त्री रहिसकेका शीर्ष नेताहरु भारतीय मिडियाप्रति आक्रामक देखिएका छन् । नेकपाका प्रवक्ता, पूर्व उपप्रधानमन्त्री तथा परराष्ट्रपन्त्री नारायणकाजी श्रेष्ठ र राप्रपा अध्यक्ष, पूर्व उपप्रधानमन्त्री तथा परराष्ट्रपन्त्री रहिसकेका कमल थापाले ट्वीटरमार्फत भारतीय मिडियाको निर्लज्जताको आक्रामक रुपमा विरोध गरेका छन् ।

भारतीय सञ्चार माध्यमले हाम्रो सरकार र प्रमकाबारेमा गरेको अनर्गल प्रचारले सीमा नाघ्यो।हद भयो।बकवास बन्द गर।हाम्रो राष्ट्रीय सार्वभौमिकता र भौगोलिक अखण्डताको रक्षाको निम्ति हामी एक्ढिक्को छौं।बिदेशीको फुटाउ र स्वार्थ पुरा गर नीति सफल हुन दिनेछैनौ।यहाँ के गर्ने भन्ने हाम्रो कुरा हो।

— NKShresthaPrakash (@nksthaprakash) July 9, 2020

नारायणकाजी श्रेष्ठले ट्वीटरमा लेखेका छन् ‘भारतीय सञ्चार माध्यमले हाम्रो सरकार र प्रमका बारेमा गरेको अनर्गल प्रचारले सीमा नाघ्यो । हद भयो । बकवास बन्द गर । हाम्रो राष्ट्रिय सार्वभौमिकता र भौगोलिक अखण्डताको रक्षाको निम्ति हामी एकढिक्को छौं । विदेशीको फुटाउ र स्वार्थ पूरा गर नीति सफल हुन दिने छैनौ । यहाँ के गर्ने भन्ने हाम्रो कुरा हो ।’

We have serious differences with PM @kpsharmaoli on many issues, including his conduct of international relations.
But deliberate/sustained campaign of mudslinging against PM Oli by some Indian media cannot be acceptable.That doesn’t do Nepal-India relations any good. pic.twitter.com/bdJMN80y5Y

— Kamal Thapa (@KTnepal) July 9, 2020

यस्तै आजै कमल थापाले पनि ट्वीट गर्दै भारतीय मिडियाको अनर्गल प्रचारबाजीको विरोध गरेका छन् । थापाले लेखेका छन् ‘प्रधानमन्त्री केपी शर्मा ओलीसँग अन्तर्राष्ट्रिय सम्बन्धमा उहाँका व्यवहारसहित केही विषयमा हाम्रा गम्भीर मतभिन्नताहरु छन् । तर, केही भारतीय मिडियाबाट भइरहेको प्रधानमन्त्री ओलीमाथि नियोजित रुपमा हिलो छ्याप्ने काम स्वीकार्य हुन सक्दैन । त्यसले नेपाल भारत सम्बन्धलाई राम्रो गर्दैन ।’