काठमाडौं । नेपालमा सोमबार १ सय ८६ जनामा कोरोना संक्रमण पुष्टि भएको छ। स्वाथ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा जागेश्वर गौतमले पछिल्लो २४ घण्टामा १ सय ८६ जनामा कोरोना देखिएको जानकारी दिए। २४ घण्टामा ४ हजार २ सय १६ जनाको पीसीआर परीक्षण भएको छ।

योसँगै नेपालमा कोरोना संक्रमित हुनेको संख्या १७ हजार ८ सय ४४ पुगेको छ। जसमध्ये ११ हजार ८ सय ६८ जना निको भएर घर फर्किएका छन्। २४ घण्टामा मात्रै १ सय ७३ जना निको भएर घर फर्किएका छन्। हालसम्म नेपालमा सक्रिय संक्रमितको संख्या ५ हजार ९ सय ३६ रहेको छ।