काठमाडौं । ईङल्यान्डमा जारी टेस्ट श्रंखलाको अन्तिम खेलमा घरेलु टोलीले वेस्टईन्डिजलाई ३९९ रनको लक्ष्य दिएको छ । ३९९ रनको लक्ष्य लिएर मैदानमा आएको वेस्टईन्डिज टोलीले तेस्रो दिनको खेल सकिदा सम्म २ विकेट गुमाएर १० रन बनाएको छ । वेस्टईन्डिजका क्रैग ब्रैथवेट (२) र शाई होप (४) रनमा अविजित रहेका छन । खेल जित्न वेस्ईन्डिजलाई ३८९ रन बनाउनु पर्छ, भने ईङल्यान्डले ८ विकेट लिनुपर्ने हुन्छ ।

यसअघि ईङल्यान्डले पहिलो पारीमा ३६९ रन बनाएको थियो । जवाफमा वेस्टईन्डिज टोली १९७ रनमै समेटिदा ईङल्यान्डले १७२ रनको अग्रता पाएको थियो । यो संगै ईङल्यान्डले आफ्नो दोस्रो पारी २२६ रनमा घोषणा गर्दै खेलको तेस्रो दिनको खेलमा वेस्टईन्डिजलाई ३९९ रनको लक्ष्य दिएको छ ।