काठमाडौं। प्रधानमन्त्री केपी शर्मा ओलीले भारतीय स्वतन्त्रता दिवसको अवसरमा भारतीय समकक्षी नरेन्द्र मोदीलाई शुभकामना दिएका छन्। शनिबार विहान ट्वीट गर्दै प्रधानमन्त्री ओलीले ७४ औं स्वतन्त्रता दिवसको अवसरमा प्रधानमन्त्री मोदी र भारतीय जनतालाई शुभकामना दिएका हुन्।

Congratulations and greetings to Prime Minister Shri @narendramodi ji, the Government and people of India on the happy occasion of the 74th Independence Day. Best wishes for more progress and prosperity of the people of India.

— K P Sharma Oli (@kpsharmaoli) August 15, 2020

भारतमा आज ७४ औं स्वतन्त्रता दिवस मनाइँदै छ। कोरोना महामारीकाबीच भारतीय प्रधानमन्त्री नरेन्द्र मोदीले नयाँ दिल्लीस्थित लालकिल्लाबाट देश र जनताका नाममा सम्वोधन गरिरहेका छन्।

भारतले अतिक्रमित गरेको नेपाली भूमि समेटेर नेपाल सरकारले नयाँ नक्सा जारी गरेपछि दुई देशबीचको सम्बन्धमा चिसोपना आएको छ।

योबीचमा नेपाल सरकारले वार्ताका लागि गरेको प्रयास र पहललाई भारतले प्राथमिकतामा नराख्दा कुटनीति र राजनीतिक रुपमा संवादहीनताको स्थिति छ। तर प्रधानमन्त्री ओलीले भारतको ७४ औं स्वतन्त्रता दिवसको अवसरमा समकक्षी मोदीलाई ट्वीटरमार्फत शुभकामना दिएका हुन्।