काठमाडौं। ९ कक्षामा फेल भएपछि भागेर भारत पुगेका एक नेपाली किशोर अहिे झारखण्डको चक्रधरपुर पुगेका छन् । ९ कक्षामा फेल भएपछि उनलाई उनका पिताले गाली गरेका थिए । त्यही गालीका कारण घर छाडेर हिँडेका उनी नेपालबाट हिमाचल प्रदेश, चंडीगढसहित भारतका विभिन्न ठाउँहरुमा घुम्दै ४ दिन पहिले चक्रधरपुर पुगेका हुन् । चक्रधरपुरमा उनी बेवारिसे जीवन बताउन बाध्य भएको भारतीय अखबार दैनिक जागरणले लेखेको छ । उनको नाम राजकुमार राजपुत लेखिएको छ र उनको नेपालको ठेगाना छिनकेत लेखिएको छ ।

नेपालमा छिनकेत भन्ने एउटा ठाउँ रुकुम जिल्लामा छ तर उनी त्यहीँका हुन् वा उनले बताउने र भारतीय पत्रकारले सुन्ने क्रममा केही गल्ती भएर ठाउँको नाम फरक परेको हो भन्ने प्रस्ट छैन । अखबारले उनको तस्वीर प्रकाशित गरेको छ जसको आधारमा उनको पहिचान हुने अपेक्षा गरिएको छ । राजकुमार विगत ४ दिनदेखि चक्रधरपुरको नेशनल हाइवे ७५ को किनारमा एक ठेलामा जीवन बिताइरहेका छन् । कसैले केही दिए खान पाउने उनी कसैले केही नदिए भोकै बस्न बाध्य छन् । अब राजकुमार घर फर्किन चाहन्छन् ।

??
The father of Nepali boy scolded when failed in 9th, ran away from home and reached CBSA but got trapped in lock down, then kept him in child home, as stated. On completion of 18 yrs went out of child line home and reached CKP, money was exhausted. , Realizing the.. 1/2

— ssgagrai (@gagraiss) August 29, 2020

राजकुमारले कोरोनाकालका ६ महिना भारतमै बिताए । यो संकटको समयले उनलाई जीवनमा निकै ठूलो पाठ सिकाएको छ । उनले पिताले गाली गरेपछि घरबाट १० हजार चोरेर भागेको बताएका छन् । भारतका विभिन्न इलाकामा घुम्दै हिँडेका राजकुमार ४ महिनाअघि झारखण्डकै चाइबासा पुगेका थिए । राजकुमारका अनुसार चाइबासा चाइल्ड लाइनले उनलाई एक्लै देखेर आफ्नो सुरक्षित संरक्षणमा राखेको थियो ।

2/2
….mistake, now looking forward and praying almighty God to get him reach back to his parents….https://t.co/P77tpyBpZx
??@MofaNepal@HemantSorenJMM @jharkhand181@DC_Chaibasa pic.twitter.com/qFvfDCIheZ

— ssgagrai (@gagraiss) August 29, 2020

तर, ४ महिनापछि जब राजकुमार १८ वर्षका भए उनलाई चाइल्ड लाइनले बाहिर पठायो । आज एक नेपाली किशोर चक्रधरपुरको हाइवेको छेउमा अरुको दयाको आशामा बाँचिरहेका छन् । केही व्यक्तिहरुले उनलाई नेपाल आफ्नो घर पुर्याउन जिल्ला प्रशासनसहित नेपालका प्रधानमन्त्री, परराष्ट्र मन्त्रालय, नेपाल प्रहरी र अन्य नेपाली उच्च सरकारी निकायहरुलाई मेन्सन गर्दै ट्वीट गरेका छन् । राजकुमारले आफ्नो कामप्रति निकै पछुतो भएको र घरको धेरै सम्झना आइरहेको बताएका छन् ।