काठमाण्डौ । अहिले भारतमा चलिरहेको ‘मिटू’ अभियानमार्फत् उनले यौन उत्पीडनको घटना शेयर गर्ने महिलाको साथमा आफू भएको बताउँदै आफूमाथि पनि यौन दुव्र्यवहार भएको बताएका छन् । मी टु अभियानमा बलिउड अभिनेता सैफ अली खानले पनि आफूमाथि पनि यौन शोषण भएको बताएका छन् ।

उनले आफूसँग भएको २५ वर्ष पुरानो उत्पीडनको पनि खुलासा गरेका छन् । उनले भनेका छन्, ‘ममाथि पनि यौन उत्पीडन भयो । यो यौन प्रकृतिको नभए पनि मलाई यसले धेरै सतायो । २५ वर्ष पहिले मलाई यसले सताएको थियो । र, म अझै पनि यस विषयलाई लिएर रिसाएको छु ।’

उनले भनेका छन्, ‘प्रायः मानिस अरु मान्छेलाई बुझ्दैनन् । अरु मानिसको दुःख बुझ्न धेरै गाह्रो हुन्छ । म यसको बारेमा कुरा गर्न चाहन्न । किनकी म आज महत्वपूर्ण छैन तर म ममाथि पनि भएको त्यस कुरा सम्झदाँ मलाई अझ रिस उठ्छ । र, हामीले महिलालाई बुझ्नु पर्छ र ध्यान राख्नुपर्छ ।’

सैफले अपराधि सजाय हुनैपर्ने बताउँदै भने, ‘अपराधिलाई सजाय हुनैपर्छ यसको लागि पुरानै घटना किन नहोस् ।’