नुवाकोट। नुवाकोटकाे बेलकोटगढी नगरपालिका-२ चाउथे दोभानस्थित चाउथे खोलाबाट अवैध रुपमा नदीजन्य पदार्थ (बालुवा) उत्खनन् कार्यमा संलग्न १ स्काईभेटर, ७ टिपर र ३ आईचर गरी ११ वटा सवारी साधनलाई बुधबार साँझ प्रहरीले नियन्त्रणमा लिएको छ।

स्काईभेटरको प्रयोग गरी अवैध रुपमा बालुवा उत्खनन् कार्य भएकाे जानकारी पाएपछि जिल्ला प्रहरी कार्यालय र प्रहरी चौकी कुमरीबाट खटिएको प्रहरीले उक्त सवारी साधनहरुलाई नियन्त्रणमा लिएको हो। यस सम्बन्धमा प्रहरीले थप अनुसन्धान गरिरहेको जनाएकाे छ। त्यस्तै नुवाकोटका अन्य स्थानमा पनि प्रहरीले अनुसन्धान गरि कारबाही गरिरहेको छ।