एजेन्सी । बलिउडका सुरपर स्टार अमिताभ बच्चनले एक नयाँ कार किनेका छन् । उनले किनेको यो नयाँ कार लेक्सस एलएक्स ५७० हो । यसको मूल्य करिब ढाई करोड भारु (४ करोड नेरु) हो ।

यस कारका साथ बुहारी ऐश्वर्या रायले श्रीमान अभिशेक, छोरी आराध्या र ससुरा अमिताभसँष्को एक तस्वीर सामाजिक सञ्जालमा पोस्ट गरेकी छन् ।

अमिताभ ११ अक्टुबरमा ७६ वर्षका पुगे । यो नयाँ कार उनले जन्मदिनकै अवसरा किनेको अनुमान गरिएको छ ।

अमिताभ कारका शौखिन छन् । उनीसँग लग्जरियस कारको शो रुम नै छ भन्दा पनि फरक पर्दैन ।

अमिताभको पहिलो फिल्म सात हिन्दुस्तानी १९६९ मा रिलिज भएको थियो । तर, उनको पहिचान भे १९७३ मा रिलिज भएको फिल्म जंजिरबाट भएको हो । अमिताभ ७६ वर्षको बुढो उमेरमा पनि बलिउडमा टिकिरहेका छन् ।

उनी सानो पर्दादेखि ठूलो पर्दामा सक्रिय छन् । हालका दिनमा अमिताभले होस्ट गर्ने कार्यक्रम कौन बनेका करोडपति निकै चर्चित छ ।

अमिताभ घडि र कारको निकै शौखिन रहेको बताइन्छ । उनीसँग रोल्स रायस फैन्टम, बीएमडब्ल्यू, मर्सडीज्, र लेक्सस जस्ता लग्जरी कार छन् ।
प्रोड्यूसर विधु विनोद चोपडाले फिल्म एकलब्यमा शानदार अभिनय गरेको भन्दै अमिताभ बच्चनलाई २००७ मा सेतो रंगको रोल्स रायस फैन्टम कार गिफ्ट दिएका थिए । जसको मुल्य भाररु साढे चार करोड हो ।