काठमाडौं। कोरोना महामारीका कारण पठपाठन ठप्प भएपछि शैक्षिक सत्र नै खेर जाने अवस्था आएको भन्दै विभिन्न १३ विद्यार्थी संगठनले शिक्षा तथा विज्ञान प्रविधि मन्त्री गिरिराजमणि पोखरेललाई भेटेका छन्।

सत्तारुढ दल नेकपा निकट अनेरास्ववियू र प्रमुख प्रतिपक्षी दल नेपाली काँग्रेस निकट नेपाल विद्यार्थी संघलगायत १३ विद्यार्थी संगठनले शुक्रबार शिक्षामन्त्रीलाई भेटेर शैक्षिक सत्र खेर नजाने गरी वैकल्पिक पठनपाठनको व्यवस्था गर्न माग गरेका छन्। उनीहरुले आफ्ना माग पूरा नभए आन्दोलन गर्नेसम्मको चेतावनी दिएका छन्।

विद्यार्थी संगठनले विद्यालयमा रहेका क्वारेन्टिन हटाउनसमेत माग गरेका छन्। उनहिरुले क्वारेन्टिन हटाएर पठनपाठन हुरु गर्नुपर्न माग गरेका छन्। त्यस्तै अनलाइनक कक्षाका नाममा निजी विद्यालयले चर्को शुल्क असुलेको भन्दै ती विद्यालयमाथि कारबाही गर्न पनि विद्यार्थी संगठनले माग गरेका छन्।

विद्यार्थीको माग सुपछि शिक्षामन्त्री पोखरेलले जायज मागहरु पूरा गरिने बचन दिएका छन्। उनले शैक्षिक सत्र खेर नजाने गरी व्यवस्था गरिनेसमेत बताएका छन्।