काठमाडौं। बिहे गर्नको लागि मानिसहरुले सामान्यतया एउटा उपयुक्त व्यक्ति रोज्छन् र उसैसँग पूरै जीवन बिताउँछन् । केहीको भने पहिलो बिहे सफल हुँदैन र उनीहरुले दोस्रो बिहे गर्छन् । तर, अमेरिकामा एक यस्ती महिला छिन् जसले राम्रो श्रीमानको खोजीमा १–२ जना होइन पूरै १० जनासँग बिहे गरिसकिन् तैपनि उनले अझै उपयुक्त श्रीमान भेटेकी छैनन् र अझै पनि उनी अर्को बिहे गर्ने मुडमा छिन् । उपयुक्त श्रीमान नभेट्दासम्म उनको बिहे गर्ने क्रम जारी रहनेछ ।

Tomorrow: Cassey says she’s desperate for Dr. Phil’s help because she’s been married 10 times and none of the marriages have worked out. She claims several of her exes have said it wasn’t her fault the marriage failed, it was theirs.
Full story: https://t.co/dZMoPciTyW pic.twitter.com/NnqAj4TeUs

— The Dr. Phil Show (@TheDrPhilShow) October 20, 2020

महिलाले आफूलाई कति बिहे गरिसकें र अगाडि अरु कति बिहे गर्छु भन्ने कुराको कुनै मतलब नभएको बताएकी छिन् । उनलाई केवल मनको ‘मिस्टर राइट’ चाहिएको छ । मिस्टर राइटको खोजीमा १० बिहे गरिसकेकी महिलाको नाम केसी नामकी यी महिला अमेरिकाको न्यूयोर्ककी हुन् । ५६ वर्षकी यी महिलाले हालै अमेरिकाको चर्चित टेलिभिजन शो ‘डा. फिल शो’मा आफ्नो बिहेबारे खुलासा गरेकी हुन् । उनी यो शोमा सफल व्यवसायीको रुपमा सहभागी भएकी थिइन् र अन्तरवार्ताको क्रममा उनले आफ्नो व्यक्तिगत जीवनबारे पनि खुलासा गरेकी हुन् ।

केसीले हालै आफ्नो १० औं वैवाहिक सम्बन्ध अन्त्य गरेकी छिन् । उनले आफू असहज भएका कारण १० औं बिहे पनि अन्त्य गरेको बताइन् । उनी आफ्नो सम्बन्धसँग खुसी थिइनन् किनकि दैनिकजसो उनको श्रीमानसँग असमझदारी हुनथ्यो । अब उनी नयाँ श्रीमानको खोजीमा छिन् । केसीका अनुसार उनको सबैभन्दा लामो वैवाहिक सम्बन्ध ८ वर्षसम्म चल्यो । उनलाई यो सम्बन्ध अगाडि बढ्छ जस्तो लागेको थियो तर त्यसो हुन सकेन । उनको सबैभन्दा छोटो वैवाहिक सम्बन्ध केवल ६ महिना टिकेको थियो ।