काठमाडौं । पछिल्लो २४ घण्टामा देशभर थप २ हजार ९३३ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३ हजार ४४६ जनाको पीसीआर भएकोमा २ हजार ९३३ जनामा संक्रमण पुष्टि भएको हो ।

पछिल्लो २४ घण्टामा थप ३१५० जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ३७ हजार ९९२ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

मन्त्रालयका अनुसार देशभर सक्रिय संक्रमितको संख्या ३७ हजार ५२४ रहेको छ।

संक्रमणका कारण२४ जनाको मृत्यु भएसँगै मृतकको संख्या ९सय ८४ पुगेको छ।

काठमाडौं उपत्यकामा पछिल्लो २४ घण्टामा थप १ हजार ६३० जनामा कोरोना संक्रमण पुष्टि भएको छ ।