एजेन्सी। बलिउडका दुई ठूला स्टारको विवाहको चर्चा अहिले चुलिएको छ । अहिले चर्चा भइरहेको जोडीमा प्रियंका चोपडा र निक जोनसको जोडी पनि एक हो । पछिल्लो समय अन्तर्राष्ट्रिय मिडियामा आएका समाचारअनुसार निकले हुनेवाली पत्नी प्रियंकाको लागि लस उन्जल्समा शानदार भिला किनेका छन् । प्रियंका निकको शानदार भिलाका केही तस्वीरहरु दएमएलएस डटकममा सार्वजनिक भएका छन् ।

प्रियंका र निकको यो भिला निकै सुन्दर छ । यसमा ५ बेडरुम छन् र पूरा भिला ४ हजार १ सय २९ वर्गफिट क्षेत्रफलमा फैलिएको छ । पूरै घरमा काठको भित्ता र भुइँ बनाइएको छ । स्विमिङपुलको आसपासको क्षेत्र काठको छतले कभर गरिएको छ । निकको यो भिला वेभर्ली हिल्समा अवस्थित छ । भिलाका भित्ताहरु सिसाका छन् र यसलाई एन्टिक लुक दिइएको छ ।

यो भिलालाई स्पेस इन्टरनेशनल नामको आर्किटेक्ट कम्पनीले डिजाइन गरेको हो र यसको मूल्य ६५ लाख अमेरिकी डलर भएको बताइएको छ । रातको समयमा जूनको प्रकाशमा यो भिला झनै सुन्दर देखिनेगरी डिजाइन गरिएको छ । हेर्नुहोस् भिलाका थप फोटोहरु –