काठमाडौं । पछिल्लो २४ घण्टामा देशभर ३ हजार ११२ नमुना परीक्षण गर्दा थप ५०२ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ११ हजार ४७५ पुगेको छ । हालसम्म नेपालमा सक्रिय संक्रमितको संख्या ३० हजार ९८६ रहेको छ ।

पछिल्लो २४ घण्टामा २८ सय ७८ जना निको भएका छन् । हालसम्म संक्रमणमुक्त हुनेको संख्या १ लाख ७९ हजार२४२ पुगेको छ । पछिल्लो २४ घण्टामा १७ जना थपिएसँगै कोरोनाका कारण ज्यान गुमाउनेको संख्या १ हजार २४७ पुगेको छ।

यस्तै हालसम्म १ हजार ३ जना क्वारेन्टिनमा रहेका छन् ।हालसम्म १६ लाख १७ हजार ३३ जनाको पीसीआर परिक्षण भएको छ ।