मुम्बइ। बलिउड अभिनेता टाइगर श्राफ र उनकी गर्लफ्रेण्ड दिशा पटानीबीच ब्रेकअपको हल्ला चलिरहेकै बेला अहिले अर्को घटना भएको छ । सार्वजनिक स्थलमै टाइगरकै अगाडि दिशा पटानीमाथि हातपात भएको छ । एक फ्यानले दिशाको संवेदनशील अंगमा छोएपछि टाइगरले दिशालाई बचाएका छन् ।

यी दुई एक रेष्टुरेण्टमा डिनरका लागि गएका थिए । त्यहाँ उक व्यत्तिः आए र उनीहरुसँग फोटो खिच्ने जिद्दी गर्न थाले । उनले आफूलाई दिशाको ठूलो फ्यान भएको बताइरहेका थिए । निकै अनुरोधपछि दिशा फोटो खिचाउन राजी भइन् । दिशासँग फोटो खिचाएपछि ती फ्यानले दिशालाई छुने प्रयास गर्न थाले । उनले दिशाको संवेदनशील अंगतिर हात लैजान थाले । उनको यस्तो हर्कत देखेपछि टाइगरले ती फ्यानलाई रोके । त्यही बेला रेष्टुरेण्टका म्यानेजर आएपछि सेक्युरिटीले ती व्यक्तिलाई बाहिर पठाए ।

केही समयदेखि टाइगर र दिशाको सम्बन्धमा फाटो आएको खबर छ । टाइगरको आगामी फिल्म स्टुडेन्ट अफ द इयर २ की हिरोइन तारा सुतारियासँग टाइगर नजिकिएको भन्दै दिशासँग सम्बन्ध बिग्रिएको खबर बाहिरिएका छन् । यद्यपि यसको पुष्टि भएको छैन । हुन त टाइगर र दिशाले आफूहरुबीच प्रेम सम्बन्ध रहेको स्वीकारेकै छैनन् । उनीहरुलाई धेरै ठाउँमा सँगसँगै देखिएपछि उनहिरुबीच सम्बनध भएको अड्कल काटिएको हो ।