काठमाडौं । पछिल्लो २४ घण्टामा देशभर ८ हजार ३२ नमुना परीक्षण गर्दा थप १ हजार ६६९ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख २० हजार ३०८ पुगेको छ । हालसम्म नेपालमा सक्रिय संक्रमितको संख्या १९ हजार ९६३ रहेको छ ।

पछिल्लो २४ घण्टामा ५६ सय ९९ जना निको भएका छन् । हालसम्म संक्रमणमुक्त हुनेको संख्या १ लाख ९९ हजार २४ पुगेको छ । पछिल्लो २४ घण्टामा १६ जना थपिएसँगै कोरोनाका कारण ज्यान गुमाउनेको संख्या १ हजार ३२१ पुगेको छ।

यस्तै हालसम्म ६८६ जना क्वारेन्टिनमा रहेका छन् ।हालसम्म १६ लाख ६० हजार ७५ जनाको पीसीआर परिक्षण भएको छ ।