काठमाडौं । बुधबार नेपालमा थप १ हजार ४९० जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ३६ हजार २४६ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १६ हजार ५४७ रहेको छ ।

पछिल्लो २४ घण्टामा एक हजार ५६७ जना निको भएका छन् । हालसम्म संक्रमणमुक्त हुनेको संख्या २ लाख १८ हजार १६१ पुगेको छ । पछिल्लो २४ घण्टामा ९ जना थपिएसँगै कोरोनाका कारण ज्यान गुमाउनेको संख्या १ हजार ५३८ पुगेको छ।

यस्तै हालसम्म ६०५ जना क्वारेन्टिनमा रहेका छन् ।