काठमाडौं । आइतबार नेपालमा थप १ हजार ९६ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ४० हजार ९८१ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १३ हजार ५८२ रहेको छ ।

पछिल्लो २४ घण्टामा १ हजार ७५२ जना निको भएका छन् । हालसम्म संक्रमणमुक्त हुनेको संख्या २ लाख २५ हजार ८०५ पुगेको छ । पछिल्लो २४ घण्टामा १७ जना थपिएसँगै कोरोनाका कारण ज्यान गुमाउनेको संख्या १ हजार ५९४ पुगेको छ।

यस्तै हालसम्म ५३६ जना क्वारेन्टिनमा रहेका छन् ।