काठमाडौ । चलचित्र ऐश्वर्यबाट नेपाली रजतपटमा डेब्यू गरेकी नायिका दीपिका पर्साई चलचित्र छक्का पञ्जा ३ सुपरहिट भएसँगै चर्चामा छिन् ।

डेब्यू फिल्म ऐश्वर्यबाट भन्दा पनि उनलाई पहिचान दिलाएको फिल्म छक्का पञ्जा ३ हो । यो चलचिमा उनले दमदार सञ्चारकर्मीको भूमिका निभएकी छन् । दर्शकले उनलाई यो भूमिकामा निकै मन पनि पराएका छन् ।

तर यहाँ उनको रिल लाईफको चर्चा होइन रियल लाईफको चर्चा गर्न लागिएको छ । उनी गत वर्ष कार्तिक ९ गतेबाट प्रदर्शनमा आएको चलचित्र ‘‘ऐश्वर्य’का निर्देशक दिवाकर भट्टराईसँग नै अफेयरमा रहेको खुल्न आएको छ ।

आफ्नो प्रेम सम्बन्धको खुलासा स्वयम दीपिका र दिवाकरले सामाजिक सञ्जालमाफर्त गरेका छन् । प्रेममा मात्र नभई उनीहरुले इन्गेजमेन्ट समेत गरिसकेको खबर बाहिर आएको छ ।

सामाजिक सञ्जालमा उनीहरुले शेयर गरेका तस्वीर र स्टाटसलाई हेर्ने हो भने यो जोडी सिरियस लभमा रहेको बुझिन्छ ।

दीपिकाले आफ्नो प्रोफाइल पिक्चरमा नै दिवाकरसँगको प्रेममय तस्वीर राखेकी छन् भने दिवाकरले सोही तस्वीरलाई फेसबुकको कभर तस्वीर बनाएका छन् ।

यो चलचित्र प्रर्दशनमा आएको ठिक एक बर्ष वितेपछि दिपिका र दिवाकरले आफुहरु प्रेममा रहेको खुलासा गरेका छन् ।

दुवैले फेसबुकमा नै तस्विर पोष्ट गरेर एण्ड ही इज माईन फरइभर भन्दै लेखेका छन् । साथमा हार्टको इमोजी पनि राखेका छन् ।

दीपिका र दिवारकले फेसबुकमा यस्तो रहस्य खोलेपछि उनीहरुका आफन्त, साथीभाई शुभचिन्तक सबैले बधाई दिएका छन् । अधिकांशले नाईस कपल भन्दै वीस गरेका छन् ।