काठमाडाै । स्थानीय बजारमा आज सुनको मूल्यमा प्रतितोला ८०० ले उकालो लागेको छ। पछिल्ला केही दिन झण्डैझण्डै स्थिर जस्तै रहेको सुनको मूल्यमा आज भने वृद्धि देखिएको हो।

नेपाल सुनचाँदी व्यवसायी महासंघका अनुसार आज छापावाला सुन प्रतितोला ९३ हजार १०० मा कारोबार भएको छ। मङ्गलबार छापावाला सुन प्रतितोला ९२ हजार ३०० मा कारोवार भएको थियो। मङ्गलबारको तुलनामा प्रतितोला ८०० ले उकालो लागेको महासंघले जनाएको छ।

यस्तै तेजाबी सुन आज प्रतितोला ९२ हजार ६५० मा कारोवार भएको छ। मङ्गलबार भने रु ९१ हजार ८५० मा कारोवार भएको थियो। यस्तै, चाँदीमा पनि प्रतितोला ३० ले वृद्धि भएको छ। मङ्गलबार रु एक हजार २०० मा कारोबार भएको चाँदी आज भने एक हजार २३० मा कारोबार भएको छ।रासस