काठमाडाैं । स्थानीय बजारमा मंगलबार (आज) सुनको मूल्य प्रतितोला ३ सयले ओरालो लागेको छ। छापावाला सुन प्रतितोला ९४ हजार ९ सयमा कारोवार हुने गरी तोकिएको छ। छापावाला सुन सोमबार प्रतितोला रु ९५ हजार २०० मा कारोवार भएको थियो।

यस्तै तेजाबी सुन आजका लागि प्रतितोला रु ९४ हजार ४०० मा कारोवार हुने गरी तोकिएको नेपाल सुनचाँदी व्यवसायी महासंघले जनाएको छ। तेजाबी सुन प्रतितोला रु ९४ हजार ७ सयमा सोमबार कारोवार भएको थियो।

यसैगरी चाँदी प्रतितोला रु पाँचले घटेको छ। प्रतितोला रु एक हजार ३२० मा सोमबार कारोवार भएको चाँदी आज भने प्रतितोला रु एक हजार ३१५ मा कारोवार हुने गरी तोकिएको छ।रासस