काठमाडौं। शुक्रबार नेपालमा थप ५५४ जनामा कोरोना भाइरस संक्रमण पुष्टि भएको छ । देशभर ५ हजार २ सय ६९ पीसीआर परीक्षण गर्दा ५५४ मा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना संक्रमितको कुल संख्या २ लाख ६४ हजार १५९ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ५ हजार २१ रहेको छ ।

पछिल्लो २४ घण्टामा ५८५ जना निको भएका छन् । हालसम्म संक्रमणमुक्त हुनेको संख्या २ लाख ५७ हजार २२९ पुगेको छ । पछिल्लो २४ घण्टामा ६ जना थपिएसँगै कोरोनाका कारण ज्यान गुमाउनेको संख्या १ हजार ९०९ पुगेको छ।

यस्तै हालसम्म ३३८ जना क्वारेन्टिनमा रहेका छन् । नेपालमा हालसम्म १९ लाख ७४ हजार ५६१ जनाको पीसीआर परीक्षण गरिएको छ ।