काठमाडौं। भारतीय क्रिकेट टिमका कप्तान विराट कोहली र अभिनेत्री अनुष्का शर्मा मातापिता बनेका छन् । अनुष्का शर्माले आज छोरीलाई जन्म दिएकी हुन् । अनुष्का र विराटकी छोरीको जन्म मुम्बइको ब्रीच क्याण्डी अस्पतालमा भएको हो । विराटले एक ट्वीट गर्दै घरमा छोरीको आगमनको जानकारी दिएका हुन् ।

♥️ pic.twitter.com/js3SkZJTsH

— Virat Kohli (@imVkohli) January 11, 2021

विराटले पोस्टमा लेखेका छन् ‘हामी दुवैलाई यो कुरा बताउँदा खुसी लागिरहेको छ कि आज दिउँसो हाम्रो घरमा छोरीको आगमन भएको छ । हामी तपाइँहरुको प्रेम र मंगल कामनाकोलागि हृदयदेखि आभारी छौं । अनुष्का र छोरी दुवै ठिक छन् । हामीले जीवनको यो अध्याय अनुभव गर्न पाउनु हाम्रो सौभाग्य हो । हामीलाई थाहा छ तपाइँहरु यो बुझ्नुहुन्छ कि यतिबेला हामीलाई थोरै निजता चाहिन्छ ।’

२०२० मा विराट र अनुष्काले आफ्नो पहिलो सन्तान गर्भमा आएको खुलासा गरेका थिए । यो खुलासासँगै दुवै ट्वीटरमा ट्रन्डिङ थिए । फ्यानहरुबीच उनहिरुको जीवनको यो अध्यायलाई लिएर उत्साह थियो । अहिलेसम्म विराट र अनुष्काले आफ्नी छोरीको तस्वीर सार्वजनिक गरेका छैनन् । फ्यानहरुलाई उनको पहिलो झलकको प्रतिक्षा छ ।