काठमाण्डौ । केही साता अगाडि इन्गेजमेन्ट गरेका ‘लभ बर्डस्’ अभिनेत्री दीपिका प्रसाईँ र निर्देशक दीवाकर भट्टराई अहिले थाइल्याण्ड टुरमा छन् ।

मंसिरपछि बिहे गर्ने तयारीमा रहेका उनीहरु अहिले पर्यटकिय गन्तब्य थाइल्याण्डमा रमाइरहेका छन् । अभिनेत्री दीपिकाले प्रेमी तथा निर्देशक दीवाकरसँग क्लिक गरेका रोमान्टिक तश्बिरहरु फेसबुक स्टोरीमा शेयर गरेकी छिन् ।

यी दुई फिल्म ‘ऐश्वर्य’ को सेटबाट नजिक भएका थिए । दीपिकाको उक्त फिल्म डेब्यु थियो । यो फिल्म रिलिज लगत्तै उनीहरुको अफेयरको खबर बाहिर आएको थियो ।

लामो समय प्रेम-प्रेमिका नभई साथी मात्र बताउँदै आएपनि दशैं सकिए लगत्तै दीपिका र दीवाकरले मिडियामा चर्चामा रहेको अफेयरको खबरलाई सत्यतामा परिणत गरेका थिए । दीपिकाको दोस्रो फिल्म ‘छक्का पञ्जा ३’ ले अहिले जबरजस्त कलेक्सन गरिरहेको छ भने दीवाकर निर्देशित फिल्म ‘क्याप्टेन’ फागुनमा रिलिज हुँदैछ ।