काठमाडौं। हिजो गोंगबुमा बन्दकर्ताले जलाएको ट्याक्सीको सबै क्षतिपूर्ति सरकारले दिने भएको छ । आज उपप्रधानमन्त्री ईश्वर पोखरेलले जलाइएको ट्याक्सीको क्षतिपूर्ति सरकारले दिने बताएका हुन् । उपप्रधानमन्त्रीले आज आयोजित आमसभालाई सम्बोधन गर्दै यसको जानकारी दिए ।

धादिङ घर भइ बिजुलीबजार बस्दै आएका कुम्भनारायण श्रेष्ठले चलाएको ट्याक्सी हिजो बिहानै गोंगबुमा बन्दकर्ताले जलाएका थिए । चाबहिल जानुपर्ने भनेर ट्याक्सी रोकेका उनीहरुले श्रेष्ठले मिटर अन गर्न लाग्दा भित्र छिरेर ट्याक्सीमा पेट्रोल छर्केर आगो लगाएका थिए ।