काठमाडौं । बैतडी दोगडाकेदार गाउँपालिका–७ चडेपानीकी १७ वर्षीया किशोरी भागरथी भट्टको बलात्कारपछि हत्यामा संलग्न दिनेश भट्टलाई प्रहरीले सार्वजनिक गरेको छ ।

जिल्ला प्रहरी कार्यालय बैतडीमा आयोजित पत्रकार सम्मेलनमा डीआईजी उत्तमराज सुवेदीले आरोपीले भागरथीलाई सुरुमा धकेलेर लडाएको अनि दुवै हातले घाँटी थिचेर हत्या गरेको बताए । हत्यापछि पाइन्ट घुँडासम्म तानेर बलात्कार गरेको अनुसन्धानबाट देखिए पनि निष्कर्षमा पुग्न बाँकी रहेको उनको भनाइ छ ।

माघ २१ गते विद्यालय गएकी भागरथी साँझ घर नफर्केपछि खोजी गर्दा दोश्रो दिन माघ २२ गते साँझ ५ बजे लवलेक सामुदायिक वनमा कच्चीवाटाे वाट ५० मिटर तल उनको शव फेला परेको थियो।

माघ २३ गते उनको शव जिल्ला अस्पताल बैतडी लगिएको थियो । उनको पोष्टमार्टम रिपोर्टमा बलात्कार पछि घाँटी थिचेर हत्या गरिएको अनुसन्धानले देखाएको थियो।