बाँके । बाँकेमा चितुवाको छालासहित ३ जना पक्राउ परेका छन् । राप्तीसोनारी गाँउपालिका–१ कुसुमस्थित सडकबाट २ थान चितुवाको छाला सहित ३ जनालाई आइतबार साँझ प्रहरीले पक्राउ गरेको हो ।

पक्राउ पर्नेहरूमा सल्यान बाघचौर नगरपालिका–३ चौरपानी वस्ने ३१ वर्षीय जित बहादुर डिसी, सल्यान कुमाख गाउँपालिका–७ वस्ने २१ वर्षीय कमल डिसी र सोही गाउँपालिका–३ मर्म पोडिकारा बस्ने २४ वर्षीय हिमेन्द्र वली रहेका प्रहरीले जनाएको छ ।

चितुवाको छाला ओसारपसार भईरहेको सूचनाको आधारमा जिल्ला प्रहरी कार्यालय बाँकेबाट खटिएको प्रहरी टोलीले जाँच गर्दा जित बहादुरले बोकेको झोलाबाट २ थान चितुवाको छाला फेला पारी खरिदविक्री कारोवारमा संलग्न उनीहरूलाई पक्राउ गरेको हो ।