एजेन्सी। बलिउडका चर्चिच अभिनेता संजय दत्तले जीवनमा धेरै हण्डर खेपे ठक्कर खाए भन्दा फरक नपर्ला । राम्रो तरिकाले या त नराम्रो तरीकाले उनको चर्चा प्राय भइ नै रहन्छ । केही समय अगाडि उनको वास्तविक जीवनमा आधारित बायोपिक ‘संजु’ ले बलिउडमा तहल्का नै मच्चाउन सफल भएपछि झनै उनको चर्चा चुलिएको छ ।

यस चलचित्रमा संजयको ३०८ प्रेमिका देखाइएको छ । जुनबाट थाहा हुन्छ की उनी युवती प्रति कति आकर्षित हुन्छन् भनेर । बलिउडमा पनि उनलाई युवती भने पछि मरिहत्ते गर्ने कलाकारको रुपमा चिनिन्छ । ३०८ जना प्रेमिका हुने संजयको वास्तविक जीवनमा पनि साँच्चै थुप्रै युवती आए त भन्ने खुल्दुली सबैलाई लाग्न सक्छ । उनको ३०८ जना त होइन अहिलेसम्म ३ जनासगँ भने विहे नै भैसकेको छ । तिनीहरु हुन् ऋचा शर्मा , रिया पिल्लई र मान्यता दत्त ।

सुरु गरौ संजय दत्तका पहिलो श्रीमती ऋचा शर्माबाट । उनीहरु सँगै चलचित्रहरुमा काम गरिसकेको बेलामा यी दुईको प्रेम सन् १९८७ मा विवाहमा परिणत भएको थियो । तर उनीहरुको एक छोरी त्रिशालाको जन्म भएपछि उनको श्रीमतीको ब्रेन ट्यूमर भएर मृत्यु भयो ।

ऋचा शर्माको मृत्यु भएपछि उनले सन् १९९८ मा रिया पिल्लईसँग विवाह गरेका थिए । संजयले रिया पिल्लईसँगको सम्बन्ध टिकाउन सकेनन् । जसको कारण सन् २००५ मा यी दुईको सम्बन्ध विच्छेद भएको थियो । त्यसपछि दोस्रो समय फेरी एक्लै भएका थिए ।

त्यसैगरी, तेस्रो श्रीमतीको रुपमा संजय दत्तले सन् २००८ मा मान्यता दत्तसंग विवाह गरेका हुन । यी दुईको सम्बन्ध अहिले सम्म राम्रै टिकिरहेको छ । मान्यता दत्त अहिले प्रोडक्शन हाउस चलाउँछिन । यी दुईको अहिले एक छोरा र एक छोरी रहेका छन् भने दुवै जना सुखद वैवाहरिक जीवन बिताइरहेका छ ।