काठमाण्डौ । अभिनेत्री निरुता सिंह अहिले नेपाल आएकी छिन् । निरुता मह जोडीको नयाँ फिल्म ‘दाल भात तरकारी’मा देखिने भएकी हुन् ।

यस चलचित्रमा नायिका निरुता हरिबंश आचार्यको जोडीको भूमिकामा देखिने भएकी छन् । यस चलचित्र आउँदो शनिबारबाट छायांकनमा जाँदैछ । यसै चलचित्रका लागि निरुता मुम्बईबाट नेपाल फर्किएकी हुन् ।

बुधबार राती त्रिभुवन विमानस्थलमार्फत नेपाल ओर्लिएकी निरुतालाई निर्देशक सुदन केसी र उनका पिता तथा निर्माता किरण केसी ‘राता मकै’ले स्वागत गरेका थिए । निरुताले सञ्चारकर्मीसँग कुरा गर्दै आफू यस चलचित्रमा जोडिन पाएकोमा साह्रै खुशी भएको बताइन् । यसैगरी उनले हरिबंशको जोडी बन्न पाएकोमा आफू अत्यधिक खुशी भएको बताइन् ।