काठमाडौं, फिल्म ‘गरुड पुराण’ले आफ्नो फस्ट लुक सार्वजनिक गर्दै प्रदर्शन मितिसमेत घोषणा गरेको छ । उसले आइतबार फिल्मको फस्ट लुक सार्वजनिक गरेको हो ।

निर्माण पक्षले ‘गरुड पुराण’का लागि आगामी माघ ४ गतेका लागि प्रदर्शन मितिसमेत तोकेको छ । सार्वजनिक भएको फस्ट लुकमा नायक नाजिर हुसेनलाई ब्यान्ड मास्टरको रूपमा देखाइएको छ । फिल्ममा पारिवारिक प्रेमकथालाई विषय बनाइएको छ ।

त्यसैगरी, पोस्टरमा अन्य कलाकार कर्मा शाक्य, प्रवीण खतिवडा, कामेश्वर चौरसिया र नायिका प्रियंका सिंह ठकुरीलाई पनि देख्न सकिन्छ ।

प्रस्तुत फिल्मलाई अजित प्रजापति र अशोक गौतमले बनाएका हुन् । यस फिल्ममा लुमिना तुलाधर, बसन्ध भट्ट, प्रकाश घिमिरे, कमल देवकोटा, सरोज श्रेष्ठलगायत कलाकारलाई पनि प्रमुख भूमिकामा देख्न सकिन्छ ।