काठमाडौँ । अवैध रुपमा भरुवा बन्दुक लुकाएको राखेको आरोपमा प्रहरीले पाँचजनालाई पक्राउ गरेको छ ।

घर तथा गोठमा भरुवा बन्दुक लुकाइ छिपाइ राख्दै आएको सूचनाका आधारमा प्रहरीले उनीहरुलाई घरैबाट पक्राउ गरेको हो । पक्राउ पर्नेमा सिन्धुलीको दुधौली नगरपालिका २ को जलकिनी र तिनचम्केबाट चारथान भरुवा बन्दुकसहित ५० वर्षीय नुरबहादुर बस्नेत, ५५ वर्षीय शिवबहादुर कार्की, ४३ वर्षीय चुणाबहादुर राउत र ७२ वर्षीय जितबहादुर बरइमगर र ४० वर्षीय भुवनबहादुर रानामगरलाई पक्राउ गरिएको प्रहरी नायब उपरिक्षक मनोजकुमार लामाले जानकारी दिए ।

पक्राउ परेका पाँचैजनालाई आवश्यक कारबाहीका लागि अनुसन्धान भइरहेको प्रहरीले जनाएको छ ।