काठमाडौं ।  बर्दिया बढैयाताल गाउँपालिकाका एक व्यक्ती पक्राउ परेका छन् ।

बढैयाताल गाउँपालिका वडा नं. ६ मैनापोखर बजारमा रहेको क्रितिसा ईलेक्ट्रिकल पसलको सटर तोडफोड गरि मोबाईल चोरी भाग्दै गरेको अवस्थामा ईस्लाम दिन पक्राउ परेका हुन् । उनी सुर्खेत जिल्ला बिरेन्द्रनगर नगरपालिका वडा नं.१० का हुन् । उनलाई घटनास्थलबाटै नियन्त्रणमा लिईएको र सोही घटनामा संलग्न रहेको मुसा कुरेसीलाई खोजतलास गर्दै जाँदा भोलागौडी बजार नजिकबाट पक्राउ गरेको प्रहरी निरीक्षक गोपाल पौडेलले जानकारी दिए ।

दुबै जनालाई सम्मानित बर्दिया जिल्ला अदालतबाट चोरी मुद्दामा म्याद थप गरि थप अनुसन्धान कार्य अगाडी बढाईएको पौडेलले बताए।