मुम्बइ। रजनीकान्त र अक्षय कुमारको मुख्य भूमिका रहेको फिल्म २.०को कमाइ निकै उच्च छ । पहिलो दिनमै ग्लोबल बक्स अफिसमा ११५ करोड कमाएको फिल्मको दोस्रो दिनको कमाइ पनि निकै उच्च रह्यो फिल्मले दोस्रो दिन ६१ करोड कमाएको छ ।

फिल्मले रिलिजको दिन बिहीबार भारतमा ८५ करोड र अन्तर्राष्ट्रिय बजारमा ३० करोड गरी ११५ करोड कमाएको ट्रेड एनालिस्ट रमेश बालाले जनाएका छन् । तीन भाषामा रिलिज भएको फिल्मले दोस्रो दिन शुक्रबार भारतमा ४८ करोड र अन्तर्राष्ट्रिय बजारमा १३ करोड गरी ६१ करोड कमाइ गरेको छ । यससँगै फिल्मको २ दिनको व्यापार १७६ करोड पुगेको छ । फिल्मको हिन्दी संस्करणको समेत यतिसम्म क्रेज छ कि हिन्दी संस्करणले मात्र दुई दिनमा ३८ करोड कमाएको छ ।